72. Murtenschiessen 2004
HE POLÄ - EPOLE - U NID DR NÄBÄ POLÄ !!
Bi richtigem Murtäwätter - entweder rägnäts, schynt d'Sunnä oder äs isch va
beidem
öppis - si mir zum Murtäschiesse aträte.
Hür hei mir bis zur 7. Ablösig müässe warte, bis mir its Gsche igriffe hei
chönne. Da äs scho nümme ä so viu vo de Franzose het ka, hei mir üs du ä angeri
Taktik usdänkt Diä isch zwar nid ä so punktewirksam aber umso ergibiger für
Träfferwarschinlächkeit. Eis vo dr Schibe 1 het sä mit viu Stoub zämätribe u dr
Räschte vor Gruppe het du wider gnuä Franzose vor dr Schibe gha.
Üsä Obergrillör - är het its de äs goldigs Zündhölz1i verdiänät - het uf ä
Mittag mit der Jungmannschaft dr Grill uf optimaler Temparatur ka u mir müäde
Chriäger hei numä no müässe ds Fleisch u Zibäle i dä verschidäne Grössine über
Gluät häbe.
Da hür dl Chlinä scho aui zimläch gross si gsi, hets sit
langem ä keini Schlammreini-gung gä. Gspiut u gschnäderät u natürläch plagiert
isch trotzdäm worde. Zietscht hei mir no bau müässe pressiere, das mir nid
d'Rangverkündigung verpasse. Äs ganzäs Outo vou isch at Schützegmeind gange u
het eigentläch wöue ds Murtäfändli hole. Leider isch äs nid ganz ä so usächo,
aber mir hei doch ä rächti Steigerig I dr Gsamt-punktzau erreicht
We si im nächschte Jahr no uf 24 Löcher chöi zeue, de si mir scho fasch a dr
Spitzt. Gwunne het zum 3. Mau d Schützegseuschaft Galmiz Gruppe Jägerstein mit
308 Punkt u somit gits im nächschte Jahr am 26. Juni 2005 äs nöis Fändli.
As isch trotz dr chline Niderlag wider ä schöne u i verschidäner Hinsicht
unvergäs-släche Murtäsunntig gsi, wo di Awäsände, zum Teil ou ehemaligi
Murtäschütze, nid wette misse.
